Ayni kunlarda BAAning Fujayra shahrida karatening WKF yoʻnalishi boʻyicha Yoshlar ligasi musobaqasi boʻlib oʻtmoqda. Ortda qolgan birinchi kun Oʻzbekiston terma jamoasi uchun muvaffaqiyatli oʻtdi.

Yosh karatechilarimiz kun davomida 1 ta oltin, 1 ta kumush va 3 ta bronza medallarini qoʻlga kiritishdi. Qayd etish joiz, ushbu turnir U-21 yosh toifasida oʻtkazilmoqda. Biroq murabbiylar shtabi unga asosan Toshkent-2025 yoshlar Osiyo oʻyinlari hamda Dakar-2026 oʻsmirlar yozgi Olimpiya oʻyinlariga hozirlik koʻrayotgan sportchilarni jalb qilgan. Dastlabki kunda shohsupaga koʻtarilgan karatechilar bilan tanishing:

Oltin medal:
Mehriddin Toʻraxonov (kumite, -60 kg)

Kumush medal:
Samandar Urazaliyev (yakkalik kata)

Bronza medal:
Dilnoza Qaramatdinova (kumite, -50 kg)
Abdul Vahob Rashidov (kumite, -67 kg)
Islom Ismatullayev (kumite, +84 kg)