Bahraynda o’tayotgan qilichbozlik boʻyicha Osiyo chempionatida o’smirlar toifasidagi bahslar yakunlandi. Bugun shpagachi qizlarimiz (Sanam Nazarova, Muxlisaxon Rahmonova, Madinabonu Mansurova va Alina Halilova) jamoaviy dasturda bronza medallariga sazovor boʻlishdi.

Hamyurtlarimiz dastlab Oʻmon, soʻng chorak finalda Singapurni magʻlubiyatga uchratishdi. Biroq yarim finalda janubiy koreyalik tengqurlariga 41:45 hisobida imkoniyatni boy berishdi va chempionatni uchinchi oʻrin bilan yakunlashdi.

Ertadan yoshlar toifasidagi bahslarga start beriladi.