20 Fevral 2024
621
Taekvondochilarimiz litsenzion musobaqaga tayyorlanishmoqda
Taekvondo WT boʻyicha Oʻzbekiston terma jamoasi Saudiya Arabistonida xalqaro oʻquv-mashgʻulot yigʻinini oʻtkazmoqda. Jidda shahrida oʻtayotgan mashgʻulotlarga 6 nafar sportchimiz jalb qilingan.
Yigʻin 26-fevralga qadar davom etadi. Unda sportchilarimizdan tashqari Saudiya Arabistoni, Iordaniya va Tunis terma jamoalari ham ishtirok etyapti. Qayd etish joiz, mazkur yigʻin mart oyida Xitoyda oʻtadigan Osiyo litsenzion musobaqasiga tayyorgarlik vazifasini oʻtab beradi. Murabbiylar shtabi mashgʻulotlarda atletlarimizning texnik va taktik koʻnikmalarini kuchaytirish ustida ishlamoqda.
