Bugun Koreya Respublikasining Pusan shahrida stol tennisi boʻyicha jamoaviy yoʻnalishdagi jahon chempionati boshlandi. Unda Oʻzbekiston ayollar terma jamoasi ham ishtirok etmoqda.

Qizlarimiz bugun musobaqadagi ilk bahsni oʻtkazishdi. Ispaniyalik kichik raketka ustalariga qarshi kechgan oʻyin raqib jamoaning 3:1 hisobidagi gʻalabasi bilan yakunlandi. Endi qizlarimiz ertaga musobaqaning asosiy favoriti boʻlmish Xitoyga qarshi ikkinchi uchrashuvni oʻtkazishadi.