Oʻzbekiston terma jamoasi uchun suv sporti turlari boʻyicha jahon chempionati yakuniga yetdi. Maʼlum qilganimizdek, Qatar poytaxti mezbonlik qilayotgan turnirning bugungi kunida Eldor Usmonov 100 metrga batterflyay usulida suzish dasturida qatnashdi.

Hamyurtimiz 52.83 soniya ichida marraga yetib keldi. Afsuski, bu natija unga yarim finalga chiqish uchun yetarli boʻlmadi. Shu tariqa, mazkur dunyo birinchiligi suvga sakrash boʻyicha terma jamoamiz aʼzosi Igor Myalinning qoʻlga kiritgan Parij-2024 yozgi Olimpiya oʻyinlari yoʻllanmasi bilan yodda qolmoqda.