Suzish boʻyicha Oʻzbekiston terma jamoasi aʼzosi Ilya Sibirsev Doxada oʻtayotgan jahon chempionatidagi ishtirokini yakunladi. Hamyurtimiz 800 metrga erkin usulda suzish dasturining saralash bosqichida 7:53.87 daqiqa vaqt koʻrsatdi. Qayd etish joiz, bu mazkur masofadagi yangi Oʻzbekiston rekordi sifatida qayd etildi.

Ammo ushbu natija sportchimizga final yoʻllanmasi uchun yetarli boʻlmadi va Sibirsev musobaqadagi ishtirokini yakunladi. Eslatib oʻtamiz, Ilya 2 kun muqaddam 400 metrga (3:50.9) kechgan saralash bosqichida ham yangi milliy rekord egasiga aylangan edi. Taqvimga koʻra, 16-fevral kuni Eldorbek Usmonov batterflyay usulda suzish dasturida ishtirok etadi.