Velosport boʻyicha Oʻzbekiston terma jamoasi aʼzolari Turkiyaning Alaniya shahrida navbatdagi oʻquv-mashgʻulot yigʻinini olib borishmoqda. Sportchilar murabbiylar shtabi belgilab bergan turnirlar orqali trek va shosse yoʻnalishlarida tayyorgarlik olib borishyapti.

Terma jamoa aʼzolarining baʼzilari joriy oyning yakunida Qozon shahrida oʻtadigan “Kelajak oʻyinlari” musobaqasida ishtirok etsa, qolgan sportchilar boshqa xalqaro turnirlarga jalb etilgan. Qayd etish joiz, sportchilar ushbu yigʻin doirasida bir qator startlarda oʻz omadini sinab koʻrib, sovrinli oʻrinlarni egallashmoqda. Alaniya yigʻini 4-martgacha davom etadigan boʻlib, unga jami 21 nafar sportchi chaqirilgan.