16-18-fevral kunlari Kiprning Larnaka shahri karate WKF boʻyicha A seriya tasnifidagi musobaqaga mezbonlik qiladi. Unda ishtirok etadigan Oʻzbekiston terma jamoasi bugun Kiprga uchib ketdi.

Hozirda terma jamoa tarkibidagi yosh sportchilarning xalqaro maydondagi tajribasini oshirish, xususan, ularni Toshkent-2025 IV yoshlar Osiyo oʻyinlariga tayyorlashga eʼtibor qaratilmoqda. Shu bois Larnakaga yoʻl olgan tarkibning aksariyatini yoshlar tashkil etadi. Ammo turnir davomida ularga Sadriddin Saymatov, Zulxumor Tursunaliyeva, Shahrizoda Ismatullayeva kabi katta tajribaga ega sportchilar ham hamrohlik qilishadi. Kiprda oʻtadigan A seriya musobaqasida Oʻzbekiston terma jamoasi kata va kumite bahslarida jami 31 nafar atlet bilan qatnashadi.