Og’ir atletika bo’yicha Osiyo chempionatining yana bir kuni ortda qoldi. Unda Tokio-2020 Olimpiya o’yinlari chempioni va rekordchisi Akbar Jo’rayev -102 kg vazn toifasida chempionlikni rasmiylashtirdi.

Dast ko’tarish mashqini 180 kg bilan yakunlagan Jo’rayev siltab ko’tarishda 220 kg va ikki kurashda 400 kg qayd etdi. Mazkur musobaqada qatnashgan hech bir polvon bu natijani yangilay olmadi va yurtdoshimiz o’z faoliyatida ilk bor Osiyo chempionatlarida umumiy hisobdagi chempionlikka erishdi. Shu tariqa, Akbar musobaqani 3 ta oltin medal bilan yakunladi!