Qilichbozlik boʻyicha Oʻzbekiston terma jamoasi aʼzolari bugundan nufuzli musobaqalardagi ishtiroklarini boshlashadi. Sablyachilarimiz Zaynab Dayibekova Peru, Musa Aymuratov, Sherzod Mamutov hamda Sardor Abdukarimbekov Gruziya mezbonlik qiladigan Jahon kubogi bosqichida medallar uchun bahslarga kirishadi.

Shuningdek, rapirachilar Italiyada oʻtadigan Gran-pri turnirida qatnashadilar. Murabbiylar shtabi mazkur turnir uchun qizlarimizdan Umida Ilyasova, yigitlarimizdan Muhammad Yusuf Asranov, Radmir Semeneyev hamda Ilyas Molinani tanlab olishgan. Dasturga koʻra, mazkur musobaqada ayollar oʻrtasidagi saralash bahslari bugun, erkaklar toifasidagi bellashuvlar esa ertadan boshlanadi.