Ogʻir atletika boʻyicha Toshkentda oʻtayotgan Osiyo chempionatining bugungi kuni Oʻzbekiston terma jamoasi uchun sermahsul oʻtmoqda. Hozirgina yakunlangan ayollar oʻrtasidagi -81 kg vazn toifasidagi bahslarda hamyurtimiz Rigina Adashbayeva 3 ta kumush medalni naqd qildi.

Atletimiz dast koʻtarishda 107 kg, siltab koʻtarishda 136 kg va ikki kurash natijasiga koʻra 243 kg toshni oʻziga boʻy sundirishga muvaffaq boʻldi. Shu tariqa, bugungi bahslardan soʻng jamoamiz hisobidagi medallar hozircha 1 ta oltin, 7 ta kumush va 3 ta bronzaga yetdi.