Velosportchilarimiz “UAE Tour“ turnirida ishtirok etishadi
Bugun BAAning Dubay shahrida velosportning shosse yoʻnalishi boʻyicha “UAE Tour“ koʻp kunlik poygasi start oladi. Mazkur musobaqada ”Tashkent City Professional Womenʼs Cycling Team“ jamoasi ham qatnashadi.
Turnir 11-fevralga qadar davom etib, unda sportchilar turli darajadagi murakkab bosqichlarni oʻz ichiga olgan bahslarda ishtirok etishadi. Dasturga koʻra, bugun “Dubai Miracle Garden“ va ”Dubai Harbour“ manzillari orasidagi 122 kmdan iborat birinchi bosqich bellashuvlari oʻtkaziladi. Jamoa musobaqada quyidagi tarkibda qatnashadi:
Olga Zabelinskaya
Margarita Misyurina
Yanina Kuskova
Nafosat Koziyeva
Anna Kuskova
Madina Qahhorova
Eslatib oʻtamiz, mazkur dasturda Parij-2024 Olimpiya oʻyinlariga Oʻzbekiston ayollar terma jamoasi hisobida 3 ta, shuningdek, yigitlarimizda 1 ta yoʻllanma mavjud. Musobaqa qizlarimizga 4-yillikning eng asosiy startiga tayyorgarlik vazifasini bajarib beradi.
