Saytning eski versiyasi

Slalomda eshkak eshish boʻyicha Oʻzbekiston terma jamoasi ayni kunlarda BAAning Al-Ayn shahrida boʻlib turibdi. 8 nafar sportchi va 4 nafar murabbiydan iborat jamoa oʻquv-mashgʻulot yigʻinlarini olib boryapti.

Rejaga koʻra, mashgʻulotlar 29-fevralga qadar davom etadi. Ushbu tayyorgarlik 5-10-mart kunlari Tailandda oʻtadigan Osiyo chempionati, shuningdek, 7-9-iyun kunlari Chexiyada oʻtadigan baydarka slalomining kross dasturi boʻyicha litsenzion Jahon kubogiga qaratilgan.