7 Fevral 2024
693
Sinxron suzuvchilarimiz bugun erkin dasturda ishtirok etishadi
Qatarda suv sporti turlari boʻyicha jahon chempionati davom etadi. Bugun sinxron suzuvchilarimiz Ziyodaxon Toshxoʻjayeva hamda Diana Onkes dueti erkin dasturning saralash bosqichida qatnashadi. Hamyurtlarimiz ushbu dasturda ham kvalifikatsiyadan oʻta olishsa, ertaga final bosqichida ishtirok etishadi.
Qayd etish joiz, ushbu dunyo birinchiligi litsenzion xarakterga ega boʻlib, texnik va erkin dasturda yigʻilgan ballar hisobiga koʻra Parij-2024 yoʻllanmalari oʻynaladi. Eslatib oʻtamiz, qizlarimiz texnik dasturning finalida 203.4817 ball jamgʻarishgan edi.
