6 Fevral 2024
561
Erkin kurashchilarimiz Rossiyada yigʻin oʻtkazishmoqda
Erkin kurash boʻyicha Oʻzbekiston terma jamoasi Rossiyaning Ximki shahrida oʻquv-mashgʻulot yigʻinini boshladi. 23-fevralga qadar davom etadigan xalqaro yigʻinga 12 nafar sportchi jalb qilingan.
Rossiyalik kurashchilar bilan oʻtayotgan mashgʻulotlar orqali Javrail Shapiyev Parij-2024 Olimpiya oʻyinlariga tayyorgarlik koʻrayotgan boʻlsa, qolgan polvonlarimiz aprel oyida Qirgʻiziston mezbonlik qiladigan Osiyo chempionati va qitʼaviy litsenzion turnirga hozirlik koʻrishyapti. Yigʻin “Novogorsk” oʻquv-mashgʻulot markazida oʻtkazilyapti.
