Parij shahrida oʻtayotgan dzyudo boʻyicha “Katta dubulgʻa” turnirining ikkinchi kunida Oʻzbekiston terma jamoasi aʼzosi Shahram Ahadov -73 kg vazn toifasida bronza medalini qoʻlga kiritgani haqida xabar bergan edik. Hamyurtimizni taqdirlash marosimida Osiyo Olimpiya kengashi vitse-prezidenti Otabek Umarov ishtirok etdi va medalni Ahadovga shaxsan oʻzi topshirdi.

Bugun musobaqa doirasida ogʻir vazn toifasidagi sportchilar tatamiga chiqishadi. Unda sovrinli oʻrinlar uchun kurashadigan dzyudochilarimiz turnirni quyidagi atletlarga qarshi boshlashadi:

-100 kg: Muzaffarbek Toʻraboyev – Georgios Kroussaniotakis (Kipr)
+100 kg: Alisher Yusupov – Marius Fizel (Slovakiya)
-78 kg: Irisxon Qurbonboyeva – Emma Rid (Buyuk Britaniya)
+78 kg: Rinata Ilmatova – Amaranta Urdaneta (Venesuela)