Ispaniyada o’tayotgan boks boʻyicha “Boxam” turnirida finalchilar aniqlandi. Ortda qolgan yarim final bellashuvlarida ringga koʻtarilgan Oʻzbekiston terma jamoasining 4 nafari final yo’llanmasini qo’lga kiritdi. Jarohati sabab jang oʻtkazmagan Ruslan Abdullayev (-63.5 kg), shuningdek, final ostonasida imkoniyatni boy bergan Lazizbek Mullojonov musobaqani bronza medali bilan yakunlashdi.

Bugungi final janglari doirasida ispaniyalik Reyes Pla Emmanuel (-92 kg) jarohati sabab ishtirok eta olmasligi bois oltin medal hamyurtimiz Shohjahon Abdullayevga taqdim etiladigan bo’ldi. Qolgan final juftliklari bilan tanishing:

-63,5 kg: Mujbillo Tursunov — Amit Kumar (Hindiston)
-71 kg: Havasbek Asadullayev — Marko Verde (Meksika)
-80 kg: Toʻrabek Habibullayev — Pablo Soy (Ispaniya)