1 Fevral 2024
711
Sadullayeva Germaniyada sovrindor bo‘ldi
Yengil atletika boʻyicha Oʻzbekiston terma jamoasi aʼzosi Safina Sadullayeva Germaniyada oʻtgan xalqaro musobaqada sovrindor boʻldi. Kotbus shahri mezbonlik qilgan International Jump Meeting Cottbus turnirida balandlikka sakrash dasturida qatnashgan hamyurtimiz 1.86 metr bilan bronza medalini qoʻlga kiritdi.
Mazkur musobaqada ukrainalik Yaroslava Maguchix 2.04 metr natija evaziga oltin medal sohibiga aylangan boʻlsa, 1.94 metrni zabt etgan mezbon Imke Onnan kumush medalga ega chiqdi.
