Serbiyada oʻtgan Millatlar kubogi musobaqasidan soʻng boks boʻyicha Oʻzbekiston ayollar terma jamoasi navbatdagi oʻquv-mashgʻulot yigʻiniga kirishdi. 26-yanvar kuni boshlangan yigʻin 9-fevralga qadar davom etadi.

Bosh murabbiy Elshod Rasulovga koʻra, bu mart oyida kutib turgan litsenzion musobaqaga tayyorgarlik yoʻlidagi ikki bosqichli yigʻinning dastlabkisi. Mashgʻulotlar Yangioboddagi terma jamoa bazasida olib borilayapti. Shundan soʻng tayyorgarlikning yakuniy bosqichi 14-28-fevral kunlari Toshkentda davom ettiriladi.