27 Yanvar 2024
555
Kurashchilarimiz Rossiyadagi xalqaro turnirni ikkita medal bilan boshlashdi
Rossiyaning Krasnoyarsk shahrida ikki karra Olimpiya oʻyinlari chempioni Ivan Yarigin xotirasiga erkin va ayollar kurashi boʻyicha xalqaro musobaqa boʻlib oʻtmoqda. 24 mamlakatdan tashrif buyurgan kurashchilar ishtirokida kechayotgan mazkur turnirda Oʻzbekiston terma jamoasi ham qatnashyapti.
Ortda qolgan kun hamyurtlarimiz Gʻulomjon Abdullayev (-57 kg) hamda Sardor Roʻzimov (-61 kg) bronza medaliga sazovor boʻlishdi. Bugungi dasturda Bekzod Abdurahmonov (-74 kg) va Magomed Ibragimov (-97 kg) kabi Olimpiya oʻyinlari sovrindorlari medallar uchun gilamga chiqishadi.
