Dzyudo bo’yicha O’zbekiston terma jamoasi a’zosi Dilshod Baratov ushbu sport turida joriy yil hisobidan atletlarimizning ilk medaliga mualliflik qildi. Mahoratli sportchimiz Portugaliyaning Odivelash shahrida o’tayotgan Gran-pri musobaqasining oltin medaliga sazovor bo’ldi.

-60 kg vazn toifasida bahs olib borgan Baratov finalda braziliyalik Mishel Augustodan ustun keldi. Ushbu g’alaba hamyurtimizga jahon va Olimpiada reytingi uchun 700 ochko taqdim etadi.