4 Iyun 2021
2289
Litsenzion Osiyo chempionatiga tayyorgarlik OAV nigohida
8-10 iyun kunlari poytaxtimiz badiiy gimnastika bo‘yicha Osiyo chempionatiga mezbonlik qiladi. Ushbu musobaqa Tokio-2020 Olimpiya o‘yinlariga yo‘llanma berishi bilan yana-da ahamiyatli. Bugun Milliy matbuot markazida musobaqaga bag‘ishlangan matbuot anjumani bo‘lib o‘tdi.
Unda MOQ raisining birinchi o‘rinbosari Ravshan Irmatov, O‘zbekiston gimnastika federatsiyasi raisi vazifasini bajaruvchi Ruslan Mustayev va OAV xodimlari ishtirok etishdi. Mutasaddilar anjuman avvalida musobaqaga olib borilayotgan tayyorgarlik, sportchilarimizning holati haqida gapirishdi. Shundan so‘ng OAV vakillari o‘zlarini qiziqtirgan savollari bilan murojaat qilishdi. Anjumanning to‘liq qismini ushbu videoda tomosha qilishingiz mumkin:
