Birlashgan Arab Amirliklarida ot sportining konkur yoʻnalishi boʻyicha navbatdagi xalqaro musobaqa start olish arafasida. 25-28-yanvar kunlari Sharja shahrida CSIO 4* tasnifidagi turnir boʻlib oʻtadi.

Mazkur musobaqada Oʻzbekiston terma jamoasining ikki nafar aʼzosi Bekzod Qurbonov va Abdurahmon Abdullayev ishtirok etishadi. Hamyurtlarimiz reglamentga binoan ikkitadan otda oʻz chiqishlarini namoyish etish imkoniyatiga ega. Oldinda turgan bahslarda chavandozlarimizga omad tilaymiz.