Erkin kurash bo‘yicha O‘zbekiston terma jamoasi Toshkent viloyatida muhim va mas’uliyatli mavsumga tayyorgarlikni boshladi. Yilning ilk yig‘ini ayni paytda Ugom maskanida tashkil etilmoqda.

Kurashchilarimiz o‘z oldiga bu yil katta maqsadlar qo‘yishgan. Aprel oyida Qirg‘izistonda qit’a chempionati va Osiyo mintaqasi uchun litsenzion musobaqa, may oyida esa Turkiyada jahon litsenzion turniri bo‘lib o‘tadi. Mazkur yig‘in sanab o‘tilgan startlarga tayyorgarlikning dastlabki bosqichi vazifasini o‘tab beradi.