Serbiyada oʻtayotgan boks boʻyicha “Millatlar kubogi”da finalchilar aniqlandi. Ayollar oʻrtasida oʻtayotgan mazkur musobaqaning hal qiluvchi bosqichiga Oʻzbekiston terma jamoasining 7 nafar vakili yetib keldi.

Kecha oʻtgan yarim final bahslarida Aziza Yakubova (-52 kg) 5:0 hisobida gʻalaba qozondi. Afsuski, toʻrt nafar bokschimiz imkoniyatni boy berib, musobaqani bronza medallari bilan yakunlashdi.

-52 kg: Aziza Yakubova – Raʼno Parxatova (Qozogʻiston) 5:0
-54 kg: Muxlisa Xushvaqtova – Uljan Sarsanbek (Qozogʻiston) 2:3
-63 kg: Mohinabonu Abdullayeva – Lordeana Marin (Ruminiya) 1:4
-70 kg: Xadichabonu Abdullayeva – Baljan Askar (Qozogʻiston) 2:3
-81 kg: Oltinoy Sotimboyeva – Lyusiya Bilobrk (Xorvatiya) 0:5

Musobaqada bugun dam olish kuni. Final janglari ertaga oʻtkaziladi.