Yana 2 kundan soʻng Janubiy Koreyaning Kanvon shahrida IV qishki oʻsmirlar Olimpiadasi start oladi. Unda qatnashadigan Oʻzbekiston delegatsiyasi Olimpiya shaharchasidan qoʻnim topdi.

Eslatib oʻtamiz, musobaqada ikki nafar sportchimiz Sabina Rejepova hamda Rauan Raimqulov togʻ changʻisi bahslarida ishtirok etadi. Delegatsiyamiz ushbu sport turidagi bellashuvlar oʻtkaziladigan “Jeongseon High 1” shaharchasiga joylashdi.

Maʼlumot uchun, Oʻyinlarning tantanali ochilish marosimi 19-yanvar kuni boʻlib oʻtadi. Hamyurtlarimiz 21-22-23-24-yanvar kunlari turli yoʻnalishlarda medallar uchun kurash olib boradilar.