Dzyudo bo‘yicha jahon chempionati va Rio-2016 Olimpiya o‘yinlari sovrindori Diyorbek O‘rozboyev sportchilik faoliyatini yakunlab, murabbiylik sohasida ilk qadamlarini tashlamoqda. O‘rozboyev 2024-yil boshidan O‘zbekiston yoshlar terma jamoasida ish boshladi.

Terma jamoamiz ayni paytda Toshkent viloyatida o‘quv-mashg‘ulot yig‘inini olib bormoqda. Diyorbek yosh polvonlarimizni yil davomida kutib turgan Osiyo kubogi bosqichlari hamda Turkmanistonda o‘tadigan yoshlar o‘rtasidagi jahon chempionatiga tayyorlashda bosh murabbiy Kamol Murodovga yordam beradi.

O‘zbekiston Milliy Olimpiya qo‘mitasi nomdor sportchimizga murabbiylik sohasida ham muvaffaqiyat tilaydi.