10 Yanvar 2024
717
Dzyudochilarimizning yig‘ini Avstriyaga ko‘chdi
Alp togʻlari etagida joylashgan Avstriyaning Mitterzill shahrida sovuq havo hukmron. Biroq ushbu manzilda dunyoning turli chekkalaridan tashrif buyurgan dzyudochilar ishtirokidagi xalqaro oʻquv-mashgʻulot yigʻini ayni avjida.
Mashgʻulotlarda Oʻzbekiston terma jamoasi ham ishtirok etmoqda. 15-yanvarga qadar davom etadigan yigʻinda 25 nafar sportchimiz oʻz mahoratlarini oshirmoqda. Rejaga koʻra, 16-yanvardan mashgʻulotlar Germaniyaning Myunxen shahriga koʻchadi.
