10 Yanvar 2024
817
Abduraimova nufuzli turnirni g‘alaba bilan boshladi
Tennis boʻyicha Oʻzbekiston terma jamoasi aʼzosi Nigina Abduraimova Avstraliya ochiq chempionatining (Australian Open) saralash bosqichini muvaffaqiyatli boshladi. Hamyurtimiz dastlabki davrada Tokio-2020 Olimpiadasi sovrindori, braziliyalik Laura Pigossi ustidan gʻalaba qozondi.
3 set davom etgan oʻyin Niginaning 7:5, 5:7 va 6:0 hisoblaridagi gʻalabasi bilan yakunlandi. Endi Abduraimova ertaga Toshkent vaqti bilan soat 04:00 da chexiyalik Dominika Shalkovaga qarshi kortga chiqadi. Maʼlumot uchun, ayni paytda yurtdoshimiz jahon tasnif jadvalida 212, Shalkova esa 218-oʻrinni band etib turibdi.
