Joriy yilning 2-18-fevral kunlari Qatarda suv sporti turlari boʻyicha jahon chempionati oʻtkaziladi. Unda ishtirok etadigan Oʻzbekiston terma jamoasi musobaqaga jiddiy tayyorgarlik olib bormoqda.

Jumladan, suvga sakrash bahslarida ishtirok etadigan hamyurtlarimiz Igor Myalin hamda Vyacheslav Kachanov Rossiya Federatsiyasida shugʻullanishmoqda. “Ozero Krugloye” bazasida davom etayotgan yigʻin 15-yanvarga qadar etadi. Sportchilarimiz mashgʻulotlar davomida yangi elementlarni mukammal ijro etish ustida ishlashyapti.