8 Yanvar 2024
747
Abduraimova Avstraliya ochiq chempionatining saralash bosqichida qatnashadi
Avstraliyaning Melburn shahrida tennis boʻyicha “Katta dubulgʻa” tasnifiga kiruvchi Avstraliya ochiq chempionatining saralash bosqichi boshlanmoqda. Unda hamyurtimiz Nigina Abduraimova ayollar oʻrtasida yakkalik dasturida ishtirok etadi.
Tennischimiz ilk bosqichni Tokio-2020 Olimpiadasi sovrindori, braziliyalik Laura Pigossiga qarshi oʻtkazadi. Bellashuv Toshkent vaqti bilan 10-yanvar kuni soat 04:00 da start oladi. Pigossi ayni paytda jahon tasnif jadvalida 119, Abduraimova esa 212-pogʻonani egallab turibdi. Boʻlajak qarama-qarshilik 29 yoshli har ikki tennischilar uchun oʻzaro ilk toʻqnashuv boʻladi.
