Yengil atletika boʻyicha Oʻzbekiston terma jamoasi aʼzosi, marafon dasturida Parij-2024 litsenziati Shohruh Davlatov ayni paytda Keniyada boʻlib turibdi. Hamyurtimiz Iten shahrida mahalliy va boshqa davlatlardan tashrif buyurgan sportchilar bilan mashgʻulot oʻtkazmoqda.

Rejaga koʻra, Davlatov 1-mart sanasigacha Keniyada shugʻullanadi. Dengiz sathidan 2400 metr balandlikdagi shaharda oʻtayotgan ushbu yigʻin Davlatov uchun mart oyida Toshkent mezbonlik qiladigan Navroʻz xalqaro marafoni hamda Parij-2024 Olimpiadasiga tayyorgarlik bosqichi boʻlib xizmat qiladi.