27-28-dekabr kunlari BAAning Al Ayn shahrida konkur bo’yicha CSI3*-W tasnifidagi xalqaro musobaqa bo’lib o’tdi. Ahamiyatlisi, unda qatnashgan O’zbekiston terma jamoasi a’zosi Bekzod Qurbonov shohsupaga ko’tarildi.

Hamyurtimiz 135 sm balandlikdagi to’siqlardan sakrash dasturida “Santos Hippica” laqabli tulpori bilan ikkinchi natijani qayd etdi va kumush medalga sazovor bo’ldi. Yana bir chavandozimiz Abdurahmon Abdullayev 145 smli to’siqlardan sakrash yo’nalishida kechgan dasturda “Caballona” tulpori bilan oltinchi bo’ldi.