28 Dekabr 2023
695
Kanvon-2024 oʻsmirlar Olimpiadasida qatnashadigan sportchilarimiz Janubiy Koreyaga joʻnab ketishdi
Xabar berganimizdek, Oʻzbekiston delegatsiyasi Kanvon-2024 IV qishki oʻsmirlar Olimpiadasida ishtirok etadi. Kecha tunda musobaqada qatnashadigan sportchi va murabbiylarimiz Janubiy Koreyaga yoʻl olishdi.
Rejaga koʻra, hamyurtlarimiz bugundan mezbonlar taklifiga binoan “Dream Program 2024” loyihasida ishtirok etadilar. Mazkur loyiha sportchilarimizga mahalliy iqlimga moslashish barobarida musobaqaga munosib tayyorgarlik koʻrishlari uchun yordam beradi.
Eslatib oʻtamiz, Kanvon-2024 doirasida Rauan Raimqulov hamda Sabina Rejepova togʻ changʻisi bahslarida yurtimiz sharafini himoya qilishadi. Samandar Asanov esa zaxira sportchisi sifatida shugʻullanishda davom etadi.
