25 Dekabr 2023
2196
Merganlarimiz litsenzion musobaqalarga tayyorgarlik ko'rishmoqda
Oʻq otish va stenddan otish boʻyicha Oʻzbekiston terma jamoasi aʼzolari ayni kunlarda BAAning Al Ayn shahrida oʻquv-mashgʻulot yigʻinini olib borishmoqda. Ushbu yigʻin kelasi oy oʻtadigan litsenzion Osiyo chempionatlariga tayyorgarlik vazifasini oʻtab beradi.
Oʻq otish boʻyicha jamoamiz kelasi yilning 2-yanvar kuni Indoneziyaga, stenddan otish boʻyicha merganlarimiz esa 10-yanvar kuni Quvaytga yoʻl olishadi. Har ikki jamoamiz ham Parij-2024 Olimpiadasiga yoʻllanma beruvchi qitʼa birinchiligida ishtirok etishi rejalashtirilgan. Ayni paytda yigʻin oʻzining soʻnggi bosqichida boʻlib, murabbiylar shtabi sportchilarni maxsus dastur asosida shugʻullantirmoqda.
