Chavandozimiz xalqaro turnirda sovrindor bo‘ldi
Shu kunlarda BAAning Abu-Dabi shahrida ot sportining konkur yoʻnalishi boʻyicha CSI 4*-W tasnifidagi nufuzli turniri oʻtkazilmoqda. Ahamiyatlisi, unda qatnashayotgan Oʻzbekiston terma jamoasi aʼzosi Abdurahmon Abdullayev shohsupaga koʻtarildi.
Hamyurtimiz 140 sm balandlikdagi toʻsiqlardan sakrash dasturida bronza medaliga sazovor boʻldi. Bellashuvlarda unga “Quintair” laqabli tulpori hamrohlik qildi. Qayd etish joiz, mazkur dastur shu darajada keskin ruhda oʻtdiki, natijalari bir xil boʻlgani uchun birinchi va uchinchi oʻrindan ikki nafar sportchi oʻrin egalladi.
1. Salim Al Suvaydi (BAA, “Cimberly 23” laqabli otda) – 59.56 soniya
2. Sham Al Assad (Suriya, “Chapeau TN”) – 59.56
3. Abdurahmon Abdullayev (Oʻzbekiston, “Quintair”) – 62.74
3. Yorg Navi (Germaniya, “Crazy friend”) – 62.74
