2023-yil 5-mart, dzyudo boʻyicha Toshkent “Katta dubulgʻa” turniri. -90 kg vazn toifasida Tokio-2020 Olimpiadasining bronza medali sohiblari hamyurtimiz Davlat Bobonov va vengriyalik Kristian Tot yarim finalda oʻzaro toʻqnash kelishdi. Final oldidan final deya baho berilgan ushbu bahsda yurtdoshimiz atigi 31 soniya ichida raqibini ajoyib usulda magʻlubiyatga uchratishga erishdi. Eʼtiborlisi, Toshkentda oʻtgan musobaqani bezab bergan ushbu usul Xalqaro dzyudo federatsiyasi (IJF) tomonidan “Yilning eng yaxshi ipponi” nominatsiyasiga qoʻyildi.

Ushbu havola orqali roʻyxatdan oʻtib, hamyurtimizga ovoz berishingiz mumkin. Gʻoliblar kelasi yil 2-4-fevral kunlari oʻtadigan Parij “Katta dubulgʻa” turnirida eʼlon qilinadi.