20 Dekabr 2023
832
Baydarka va kanoechilarimiz Turkiyada shug‘ullanishmoqda
Shu kunlarda baydarka va kanoeda eshkak eshish boʻyicha Oʻzbekiston terma jamoasi Turkiyaning Belek shahrida navbatdagi oʻquv-mashgʻulot yigʻinini olib bormoqda. Yigʻinda 14 nafar sportchi ishtirok etmoqda.
Qayd etish joiz, kelasi yilning aprel oyida baydarka va kanoechilarimizni Yaponiyada oʻtadigan litsenzion musobaqa kutib turibdi. Mashgʻulotlarda jismoniy tayyorgarlikni yaxshilashga ahamiyat qaratilmoqda. Yigʻin 2024-yilning 4-yanvar sanasiga qadar davom etadi.
