Saytning eski versiyasi

Xitoyning Usi shahrida taekvondo WT boʻyicha “Katta dubulgʻa” turniridan soʻng jamoaviy yoʻnalishda Jahon kubogi boshlandi. Quvonarlisi, unda ishtirok etayotgan Oʻzbekiston terma jamoasi final yoʻllanmasiga sazovor boʻldi.

Musobaqa aralash jamoaviy yoʻnalishda oʻtkazilmoqda. Hamyurtlarimiz chorak finalda Marokash, yarim finalda Janubiy Koreya vakillarini magʻlubiyatga uchratishga erishdi. Endi yurtdoshlarimiz oltin medal uchun Braziliya va Xitoy jamoalari oʻrtasidagi bahs gʻolibiga qarshi dayanga chiqishadi.