Saytning eski versiyasi

Xitoyning Usi shahrida taekvondo WT bo’yicha “Katta dubulg’a” turniri yakunlandi. Quvonarlisi, erkaklar o’rtasida -80 kg vazn toifasida kechgan bellashuvlarda O’zbekiston terma jamoasi a’zosi Jasur Jaysunov kumush medalni qo’lga kiritdi.

1-davradan erkin o’tgan hamyurtimiz chorak finalda Tokio-2020 Olimpiadasi chempioni Maksim Xramsovni, yarim finalda esa eronlik Mirhoshim Hosseynini mag’lubiyatga uchratdi. Hal qiluvchi bellashuvda esa Eron termasining boshqa bir vakili Mehran Barxordariga 1:2 hisobida imkoniyatni boy berdi va musobaqani ikkinchi o’rinda yakunladi.