“Tashkent City Women Professional Cycling Team” ayollar jamoasi kelasi mavsum ushbu sport turidagi eng nufuzli musobaqalarda ishtirok etish imkoniyatiga ega boʻldi.

Jamoamiz shosse mavsumida “Tour De France Femmes Avec Zwift”, “Tour De Lʻavenir”, “Giro dʻitalia”, “Strade Bianche”, “La Vuelta Ciclista A España” turnirlarida qatnashadi. Qayd etish joiz, shosse boʻyicha Oʻzbekiston ayollar terma jamoasi Parij-2024 Olimpiadasiga 3 ta yoʻllanma qoʻlga kiritgan. Mazkur musobaqalar jamoamizning xalqaro maydondagi nufuzi ortib borayotganini koʻrsatish barobarida sportchilarimiz uchun Olimpiya oʻyinlariga munosib tayyorgarlik vazifasini ham oʻtab beradi.