14 Dekabr 2023
735
Dzyudo boʻyicha Oʻzbekiston terma jamoasi oʻquv-mashgʻulot yigʻinida
Dzyudo boʻyicha Oʻzbekiston terma jamoasi ayni kunlarda oʻquv-mashgʻulot yigʻinini oʻtkazmoqda. Toshkent viloyatidagi Dukent maskanida olib borilayotgan mashgʻulotlar 30-dekabrga qadar davom etadi.
Togʻ yonbagʻirida oʻtayotgan yigʻinda sportchilarning texnik va taktik harakatlarini kuchaytirishga ahamiyat qaratilmoqda. Ushbu mashgʻulotlar kelasi yilning birinchi choragida kutib turgan nufuzli turnirlar, xususan, 1-3-mart kunlari Toshkentda oʻtadigan “Katta dubulgʻa” turniriga tayyorgarlik bosqichi boʻlib xizmat qiladi.
