Xitoy kompaniyasi bilan “Toshkent-2025” yoshlar Osiyo va Para Osiyo oʻyinlari uchun qurilayotgan Olimpiya shaharchasidagi inshootlarni yanada takomillashtirish va boshqa loyihalar ko’rib chiqildi.

Bugun Yoshlar siyosati va sport vaziri Adham Ikramov “САМСЕ” kompaniyasining Oʻzbekistondagi bosh vakillari Guo Zijie va Xan Xueli bilan uchrashdi. Shuningdek, unda MOQ Bosh kotibi Oybek Kasimov hamda Qo’mita raisining birinchi o’rinbosari Ravshan Irmatov ham ishtirok etishdi.

Uchrashuvda tomonlar Olimpiya shaharchasidagi qurilish ishlarini jadallashtirish, ish samaradorligini oshirish kabi mavzularni muhokama qilishdi. Kompaniya mamlakatimiz mezbonlik qiladigan “Toshkent-2025” yoshlar Osiyo va Para Osiyo oʻyinlariga tayyorgarlik koʻrish boʻyicha oʻz takliflarini ilgari surdi.

Oʻz navbatida, Olimpiya shaharchasini yanada kengaytirish, shuningdek, har bir sport majmuasi boʻyicha ishlarni sifatli tashkil etish hamda kelgusi rejalar boʻyicha fikr almashildi.