11 Dekabr 2023
677
Dzyudochilarimiz Yevropa chempionlar ligasida sovrindor boʻlishdi
Serbiyaning Belgrad shahrida dzyudo boʻyicha klublar oʻrtasida Yevropa chempionlar ligasi boʻlib oʻtdi. Ahamiyatlisi, “Koʻhna qitʼa” jamoalarida ishtirok etgan sportchilarimiz sovrinli oʻrinlarni egallashdi.
Gretsiyaning “Aris” klubi sharafini himoya qilgan Sardor Nurillayev (-66 kg) va Murodjon Yoʻldoshev (-73 kg) kumush medallarga sazovor boʻlishdi. Diyora Keldiyorova (-52 kg) Turkiyaning “Galatasaray”, Shohruh Mamarasulov esa Serbiyaning “Red star” jamoasi bilan bronza medalini qoʻlga kiritdi.
Musobaqada Shahram Ahadov (-73 kg) va Alisher Yusupov (+100 kg) Ispaniyaning “Stabiya” klubi tarkibida qatnashdilar. Biroq ushbu jamoa shohsupaga koʻtarila olmadi.
