Tog‘ chang‘ichilarimiz Yevropa turnirlarida ishtirok etishmoqda
Tog‘ chang‘isi bo‘yicha O‘zbekiston terma jamoasi a’zolari Yevropa turnirlarida o‘z ishtiroklarini olib borishmoqda. Ayni paytda Pxyonchxan-2018 va Pekin-2022 qishki Olimpiya o‘yinlari ishtirokchisi Komiljon To‘xtayev Italiyada shug‘ullanmoqda. Hamyurtimiz Kronplats shahridagi shu nomli klubda navbatdagi xalqaro musobaqalarga hozirlik ko‘ryapti.
Shuningdek, O‘zbekiston yoshlar terma jamoasi a’zolari Italiyaning Allege shahrida bo‘lib turishibdi. Andrey Voronov qo‘l ostida shug‘ullanayotgan 6 nafar sportchimiz o‘z yosh toifalaridagi musobaqalarda ishtirok etishyapti. Ahamiyatlisi, ularning 3 nafari 2024 yilning yanvar oyida Koreya Respublikasining Kanvon shahrida o‘tadigan o‘smirlar qishki Olimpiya o‘yinlariga yo‘llanma beruvchi musobaqalarda o‘z omadlarini sinab ko‘rishmoqda.
