Saytning eski versiyasi

Xalqaro qilichbozlik federatsiyasi Parij-2024 yozgi Olimpiya o‘yinlarida ishlaydigan hakamlar ro‘yxatini e’lon qildi. Quvonarlisi, ular orasida hamyurtimiz, xalqaro toifadagi hakam Dilorom Turdiqulova ham bor.

Turdiqulova bo‘lajak Olimpiadada shpaga yo‘nalishidagi bellashuvlarni boshqarib boradi. 2018 yildan beri xalqaro musobaqalarda faoliyat olib borayotgan yurtdoshimiz ko‘plab nufuzli turnirlar, Osiyo o‘yinlari va qit’a chempionatida ishlagan. Joriy yil Milanda o‘tgan dunyo birinchiligida ham shpaga yo‘nalishidagi final bahslarida referelik qildi.