Saytning eski versiyasi

Bugun Angliyaning Manchester shahrida taekvondo WT boʻyicha yakuniy Gran-pri musobaqasi start oladi. Xabar berganimizdek, mazkur nufuzli turnirda Oʻzbekiston terma jamoasi ham ishtirok etmoqda.

Bugun erkaklar oʻrtasida -58, -68 kg va -80 kg, ayollar oʻrtasida -49 kg vazn toifalaridagi bellashuvlar oʻtkaziladi. Hamyurtimiz Ulugʻbek Rashitov (-68 kg) kechagi mashgʻulotlar chogʻida kichik jarohat olgani bois, murabbiylar shtabi uning bugungi janglarda ishtirok etmasligini maʼlum qildi.

Bugun yurtdoshlarimiz orasida faqatgina Shuhrat Salayev (-80 kg) jang qiladi. Salayevning birinchi davradagi raqibi tunislik Fires Katousi boʻladi. Ushbu raqib toʻsigʻidan oʻta olsa, keyingi davrada iordaniyalik Solih Elsharabati bilan roʻbaroʻ keladi.