Toshkent mahoratli konkur ustalarini yana bir bor oʻzida jamladi. 29-noyabr kuni “Universal Horses Stable” majmuasi “Uzbekistan Global Tour 2023” musobaqasining yettinchi bosqichiga mezbonlik qildi.

Bu galgi bellashuvlarda Qozogʻiston, Belarus va yurtimizning turli hududlaridan tashrif buyurgan 70 nafardan ziyod chavandoz gʻoliblik uchun kurashishdi. Yakunda Ulugʻbek Obidjonov (“Karida” laqabli otda) “F”, Sofiya Toshmatova (“Flayt”) “C”, Saidamirxon Turgʻunboyev (“Kurt VS”) “E”, Bekzod Roʻzmuhamedov (“Vayld Fayer”) “B”, belaruslik Sergey Antonovich (“Gayanto”) “D” va “A” toifalarida bosh sovrinni qoʻlga kiritishdi.