Kelasi yil Qatar yashil maydonlarida oʻtadigan futbol boʻyicha U-23 Osiyo kubogiga qurʼa tashlandi. Unda ishtirok etadigan Oʻzbekiston olimpiya terma jamoasi “D” guruhida Vyetnam, Quvayt va Malayziya jamoalari bilan bahs olib boradigan boʻldi.

Eslatib oʻtamiz, ushbu turnirda Parij-2024 yozgi Olimpiya oʻyinlari uchun yoʻllanmalar oʻynaladi. Musobaqa kelasi yilning 15-aprel – 3-may kunlari oʻtkaziladi.