Bugun Toshkentda boks bo‘yicha kattalar o‘rtasidagi mamlakat chempionatiga start berildi. Erkaklar va ayollar o‘rtasida o‘tkazilayotgan mazkur musobaqada yurtimizning eng kuchli charm qo‘lqop ustalari g‘oliblik uchun bahs olib borishmoqda.

Chempionatda Parij-2024 yo‘llanmasini qo‘lga kiritgan Hasanboy Do‘smatov, Abdumalik Xalokov, Bahodir Jalolov va Nigina O‘ktamovadan boshqa barcha bokschilar ishtirok etadi. Musobaqa murabbiylar shtabi uchun kelasi yil o‘tadigan turnirlarga terma jamoa tarkibini shakllantirib olishga yordam beradi. Bahslar “Universal” sport majmuasida o‘tkazilmoqda.